हैदराबाद - सुपरस्टार सलमान खान सोमवारी (२७ डिसेंबर) आपला ५६ वा वाढदिवस साजरा करत आहे. काल रात्री सलमान खानने भाची आयतसोबत वाढदिवसाचा केक कापला. यावेळी सलमानचा मेहुणा आयुष शर्मा, अर्पिता खान शर्मा, अरबाज खान, युलिया वंतूर आणि एक्स गर्लफ्रेंड संगीता बिजलानी यांच्यासह अनेकजण उपस्थित होते.
यावेळी सलमान खान ब्लॅक टी-शर्ट आणि पँटमध्ये दिसला. सलमान खानला त्याच्या चाहत्यांनी आणि नातेवाईकांनी चारही बाजूंनी घेरले होते. वाढदिवसाच्या एक दिवस आधी सलमान खानसोबत एक मोठा अपघात झाला होता, ज्यामध्ये त्याला साप चावला होता. सलमान त्याच्या पनवेलच्या फार्महाऊसवर पार्टी करत होता आणि त्याचदरम्यान खोलीत साप घुसला.