मुंबई - भारताचे महान धावपटू आणि 'फ्लाइंग शीख' म्हणून प्रसिद्ध असलेल्या मिल्खा सिंग यांचे शुक्रवारी १८ जून रोजी निधन झाले. मिल्खा सिंग हे ९१ वर्षांचे होते आणि त्यांच्या नावावर अनेक विक्रमाच्या नोंदी आहेत. बॉलिवूड स्टार्सनीही मिल्खा यांच्या निधनाबद्दल शोक व्यक्त केला आहे. मिल्खा यांच्या मृत्यूनंतर 'भाग मिल्खा भाग' या मिल्खा सिंग यांच्या बायोपिकमध्ये मुख्य भूमिका साकारणार्‍या फरहान अख्तरने सोशल मीडियावर भावनिक पोस्ट लिहिली आहे. या पोस्टसोबत फरहानने मिल्खा सिंगसोबतचा स्वतःचा एक जुना फोटो शेअर केला आहे.
फरहानने आपल्या पोस्टमध्ये लिहिले की, ''प्रिय मिल्खा जी, मी मनाने आत्ताही स्वीकारायला तयार नाही ती तुम्ही नाही आहात. कदाचित माझा हा जिद्दी स्वभाव तुमच्या शिकवणीमुळे तयार झाला आहे. त्याच जिद्दीमुळे मी एखादी गोष्ट करायची ठरवतो तेव्हा कधीच हार मानत नाही. सत्य हे आहे की तुम्ही कायम जीवंत रहाल कारण तुम्ही मोठ्या मनाचे, लोकांवरप्रेम करणारे, जमीनीवर राहणारे व्यक्ती होतात.''