मुंबई - क्रिकेट आणि सिनेमाजगत यांचे नाते खूप जुने आहे. क्रिकेटर आणि बॉलिवूड सेलेब्रिटी नेहमीच एकमेकांच्या संपर्कात असतात. आता आयपीएलचा नवा सिझन उद्यापासून सुरू होतोय. अशावेळी सर्वच क्रिकेटर मैदानात सराव करीत आहेत. मात्र अजिंक्य रहाणेला बॉलिवूड स्टार रणवीर सिंगने खास शुभेच्छा दिल्या आहेत.
टूर्नांमेंटसाठी ऑल द बेस्ट असे ट्विट करुन रणवीर सिंगने अजिंक्य राहणेला शुभेच्छा दिल्या आहेत.
यापूर्वी अजिंक्य रहाणेने एक ट्विट करुन मजेशीर व्हिडिओ शेअर केला होता. यामध्ये रणवीर सिंग त्याला बोलींग करतानाची अॅक्शन करताना दिसतो तर त्याच्या चेंडूला हातात नसलेल्या बॅटने अजिंक्य षटकार मारतो, असा हा मजेशीर व्हिडिओ चाहत्यांच्या पसंतीस उतरलाय.