मुंबई- अष्टपैलू अभिनेता पंकज त्रिपाठी 'सुपर 30' आणि '83' नंतर 'बच्चन पांडे' मध्ये तिसऱ्यांदा साजिद नाडियाडवाला सोबत काम करणार आहे. अक्षय कुमार आणि पंकज त्रिपाठी स्क्रिन स्पेस एकत्र शेअर करण्याची ही पहिलीच वेळ असेल.
या गोष्टीबाबत जवळच्या सूत्रांनी सांगितले की, "कृती सेनॉन आणि पंकज त्रिपाठी यांनी यापूर्वी 'लुक्का चुप्पी'मध्ये काम केले आहे. पंकज आणि अक्षय पहिल्यांदा एकत्र काम करणार आहेत. दोघांनाही त्यांच्या कॉमिक टायमिंग आणि चांगल्या अभिनयासाठी ओळखले जाते. त्यामुळे या दोघांची ऑन स्क्रिन केमेस्ट्री कशी असणार याबद्दल सर्वांनाच उत्सुकता लागून राहिली आहे. पंकज त्रिपाठी जानेवारीपासून जैसलमेरमध्ये अक्षय, कृती, जॅकलिन आणि अर्शद यांच्यासोबत शूटिंग करणार आहे. "
अक्षय कुमार आणि पंकज त्रिपाठी रंगत वाढवणार