सुट्टीचा आनंद : जंगलात भटकताना, घोडेस्वारीही करताना दिसली भाग्यश्री

अभिनेत्री भाग्यश्री बॉलिवूड अभिनेता सलमान खानसमवेत 'मैने प्यार किया' या चित्रपटातून बॉलिवूडमध्ये पदार्पण करणार्‍या प्रसिद्ध अभिनेत्रींपैकी एक आहे. भाग्यश्री सध्या टीव्ही आणि सिने पडद्यापासून दूर आहे, परंतु आपल्या चाहत्यांसाठी नेहमीच सोशल मीडियावर अ‍ॅक्टिव्ह असते. भाग्यश्रीने नुकताच इंस्टाग्रामवर एक व्हिडिओ शेअर केला आहे ज्यामध्ये ती सुट्टीचा आनंद घेत आहे. त्याचबरोबर ती जंगलात फिरत आहे आणि ती घोडेस्वारीही करत असताना व्हिडिओत दिसते.

मुंबई - बॉलिवूड अभिनेत्री भाग्यश्री अनेकदा सोशल मीडियावर तिच्या फोटो आणि व्हिडिओंमुळे चर्चेत राहते. भाग्यश्रीने नुकताच इंस्टाग्रामवर एक व्हिडिओ शेअर केला आहे. यामुळे ती पुन्हा एकदा चर्चेचा विषय बनली आहे. या व्हिडिओमध्ये ती आपल्या सुट्टीचा आनंद लुटताना दिसत आहे. या व्हिडिओच्या कॅप्शनमध्ये भाग्यश्रीने लिहिले की हा आठवडा खूप रिफ्रेश होता. लॉकडाऊनमुळे गेल्या दीड वर्षात बरीच चिंता आणि तणाव निर्माण झाला आहे. त्यासाठी तुम्हाला थोडी विश्रांती घ्यावी लागेल. शहरी जीवन जगणे आणि निसर्गासोबत जगणे ही वेगळी बाब आहे.

मितवाच्या गाण्यावरील डान्सचा व्हिडिओही व्हायरल झाला आहे

यापूर्वीही भाग्यश्रीचा आणखी एक व्हिडिओ व्हायरल झाला आहे, ज्यामध्ये ती तिचा नवरा हिमालय दसानीसोबत गाताना दिसत आहे. या व्हिडिओमध्ये भाग्यश्री 'मितवा' गाण्यावर नाचत आहे. लोकांना हा व्हिडिओही खूप आवडल्याचे दिसते.

हेही वाचा - 'तारक मेहता...' : 'दयाबेन' दिशा वकानीची जागा दिव्यांका त्रिपाठी घेणार?