पुणे - कोरोनाच्या धास्तीने नागरिकांनी घराबाहेर पडणे बंद केले आहे. याचा परिणाच सर्वच उद्योगधंद्यांवर होत आहे. मात्र, पुण्यातील एका रिक्षावाल्याने यावर भन्नाट आयडिया शोधून काढली आहे. इब्राहिम तांबोळी असे या रिक्षाचालकाचे नाव आहे. त्यांना आपल्या रिक्षात जणू कोरोनाशी लढा देणारी यंत्रणाच बसवली आहे.
त्यांनी रिक्षात व्हेपोरायझर (वाफेचे यंत्र ) बसवले आहे. त्यातून प्रवाशांना शुद्ध हवा दिली जाते. शिवाय रिक्षात त्यांनी स्प्रे ठेवला असून त्यातून प्रवाशांच्या अंगावर सॅनिटायझर मिक्स असलेल्या पाण्याचा फवारा सोडला जातो. इतक्यावर न थांबता पैसे घेतानाही ते आधी सॅनिटायझर वापरतात. प्रवाशालाही देतात आणि नंतरच पैसे घेतात.
कोरोनाला रोखण्यासाठी पुण्यातील रिक्षाचालकाची भन्नाट शक्कल