खिलाडी कुमार म्हणजेच अक्षय कुमार ला मराठी चित्रपट आणि बहारदार कार्यक्रमांबद्दल आदर आहे. तो बऱ्याचदा आपल्या सिनेमाचं प्रोमोशन करण्यासाठी ‘चला हवा येऊ द्या' च्या मंचावर हजेरी लावतो. आता अक्षय कुमार आणि क्रिती सेनॉन अभिनित ‘बच्चन पांडे’ प्रदर्शनाच्या मार्गवर आहे आणि त्यासाठी हे दोन्ही कलाकार चला हवा येऊ द्या'च्या मंचावर अवतरले.
झी मराठीवरील लोकप्रिय कार्यक्रम चला हवा येऊ द्या आणि त्यातील विनोदवीर वर्षानुवर्षे प्रेक्षकांच्या मनावर अधिराज्य करत आहेत. केवळ महाराष्ट्रातच नाही, तर जगाच्या कानाकोपऱ्यातील प्रेक्षकांकडून या कार्यक्रमाला पसंती मिळत आहे. या कार्यक्रमाची लोकप्रियता इतकी आहे की मराठी सोबत हिंदी कलाकार सुद्धा ‘चला हवा येऊ द्या’च्या मंचावर येत असतात. अशातच बॉलिवूड सुपरस्टार अक्षय कुमार आणि अभिनेत्री क्रिती सेनॉन यांनी नुकतीच ‘चला हवा येऊ द्या’ सेटवर हजेरी लावली.