सॅन फ्रान्सिस्को : मेटा हे लवकरच व्हॉट्सअ‍ॅप मॅकओएस डिव्हाइसवर एक नवीन ग्रुप कॉलिंग सुरू करणार आहे. आधी ऑडियो कॉलमध्ये 7 व्यक्ती समाविष्ट होऊ शकत होते. आता मात्र मेटाने या संख्येत वाढ केली आहे. त्यामुळे आता ऑडियो कॉलमध्ये जास्त लोक समाविष्ट होऊ शकतात. याआधी देखील व्हॉट्सअ‍ॅपमध्ये अनेक बदल करण्यात आले होते. आता पुन्हा युजर्ससाठी हा नवीन बदल करण्यात येणार आहे. या ग्रुप कॉलिंग फीचरमध्ये युजरला व्हॉट्सअ‍ॅपमध्ये थोडा बदल बघण्यास मिळेल.
व्हाट्सएप ग्रुप कॉलिंग फीचर :नवीन आलेल्या अहवालात असे म्हटले आहे की, नवीन फीचरमध्ये सर्व लोकांसह एका ग्रुपला कॉल करण्याची परवानगी मिळेल. जर युजरच्या व्हॉट्सअ‍ॅपला एकही ग्रुप नाही. तर बस कॉल्स उघडा आणि क्रिएट कॉल बटण क्लिक करा. त्यानंतर अ‍ॅपच्या सेक्शनमध्ये एक- एक करून नवीन लोक निवडा त्यानंतर एक ग्रुप कॉल करू शकता. या गृप कॉलचा आनंद युजर घेवू शकतात. रिपोर्टमध्ये हे देखील नमूद करण्यात आले आहे की, युजर या कनेक्शनमध्ये जास्तीत जास्त 7 लोकांना निवडू शकतात. तर ग्रुप ऑडियो कॉलमध्ये जास्तीत जास्त 32 लोक समाविष्ट होऊ शकतात.अहवालानुसार, इतर सर्व सुधारणांसह, ग्रुप कॉलिंग फीचर काही बीटा टेस्टर्ससाठी उपलब्ध आहे. दरम्यान, WhatsApp Android वर ब्रॉडकास्ट चॅनल संभाषणावर काम करत आहे, ज्यामध्ये 12 नवीन वैशिष्ट्यांचा समावेश असणार आहे.