दुसरी टाळेबंदी रोखण्यासाठी सर्वांनी काळजी घ्या; इटलीच्या पंतप्रधानांचे आवाहन

संसर्ग रोखणे, उत्पादन व कामकाज सुरू ठेवणे, शाळा व सार्वजनिक कार्यालये बंद होण्यापासून वाचवणे हेच आमचे ध्येय आहे. मात्र, जनतेच्या सतर्कतेशिवाय हे होणे शक्य नाही. दुसरी टाळेबंदी रोखण्यासाठी आपण जागरूक असले पाहिजे, असे पंतप्रधान ज्युसेप्पे कॉन्टे म्हणाले.

रोम (इटली) -इटालियन पंतप्रधान ज्युसेप्पे कॉन्टे यांनी देशवासियांना कोरोनापासून स्व:ताचा बचाव करण्यासाठी खबरदारी घेण्याचे आवाहन केले आहे. दुसरी टाळेबंदी नको असल्यास आपण सर्वांनी काळजी घेण्याची गरज असल्याचे पंतप्रधान म्हणाले. शुक्रवारी नॅशनल कौन्सिल ऑफ लेबर कन्सल्टंट्सच्या वतीने आयोजित कार्यक्रमांना संबोधित करताना कॉन्टे म्हणाले की, आज संपूर्ण युरोप आणि इटलीमध्ये संक्रमणाच्या वाढीमुळे चिंता वाढली आहे.

संसर्ग रोखणे, उत्पादन व कामकाज सुरू ठेवणे, शाळा व सार्वजनिक कार्यालये बंद होण्यापासून वाचवणे हेच आमचे ध्येय आहे. मात्र, जनतेच्या सतर्कतेशिवाय हे होणे शक्य नाही. दुसरी टाळेबंदी रोखण्यासाठी आपण जागरूक असले पाहिजे, असे पंतप्रधान ज्युसेप्पे कॉन्टे म्हणाले.

हेही वाचा -आंतरराष्ट्रीय स्तरावर पाकिस्तानची पुन्हा नाचक्की, FATF च्या करड्या यादीतच राहणार

शुक्रवारी इटलीमध्ये 19,143 नवे कोरोनाबाधित रुग्ण आढळले असून एका दिवसात बाधित झालेले हे आत्तापर्यंतचे सर्वाधिक रुग्ण आहेत. याबरोबरच देशातील एकूण बाधितांची संख्या 4,84,869 झाली असून मृतांची संख्या 37,059 वर पोहचली आहे. देशात अनेक सार्वजनिक उपक्रमांवर बंदी असतानाही बाधितांचा आकडा वाढतच असल्याने देशातील काही तज्ज्ञांनी कडक धोरण राबवण्याची मागणी केली आहे.