चेन्नई- दिग्दर्शक मणिरत्नम यांच्या आगामी ऐतिहासिक पोन्नियिन सेल्वन चित्रपटाचे निर्माते लायका प्रॉडक्शनने मंगळवारी चित्रपटाचा बहुप्रतिक्षित ट्रेलर शेअर केला आहे. आकर्षक ट्रेलरमध्ये प्राचीन काळातील भव्य स्थानांचे चित्रण करण्यात आले आहे. 10 व्या शतकातील सत्ता संघर्षात चोल राजघराण्यांने केलेल्या शौर्याची पार्श्वभूमी यात दाखवण्यात आली आहे. नयनरम्य स्थळे, रक्तरंजित युद्धे आणि चित्तथरारक भव्यतेसह, पोन्नियिन सेल्व्हन हा चित्रपट एका परिपूर्ण थ्रिल फेस्टपेक्षा कमी दिसत नाही.
या मॅग्नम ऑपसचा पोनियिन सेल्वन ट्रेलर आणि चित्रपटाचे संगीत चेन्नई येथे ६ सप्टेंबर रोजी एका भव्य कार्यक्रमात लाँच करण्यात आले. चित्रपटाचे संपूर्ण कलाकार आणि क्रू देखील उपस्थित होते. ट्रेलरसाठी आपला आवाज देणारे कमल हसन पोनियिन सेल्वन ट्रेलर लॉन्च इव्हेंटमध्ये देखील उपस्थित होते.