मुंबई - Ganapath Trailer OUT :टायगर श्रॉफ, क्रिती सेनॉन आणि अमिताभ बच्चन स्टारर आगामी अ‍ॅक्शन थ्रिलर चित्रपट 'गणपथ: अ हिरो इज बॉर्न'चा ट्रेलर रिलीज झाला आहे. विकास बहलच्या दिग्दर्शनाखाली बनलेल्या या चित्रपटात प्रेक्षकांना जबरदस्त अ‍ॅक्शन पाहायला मिळणार आहे. या चित्रपटाच्या ट्रेलरची वाट अनेक दिवसापासून चाहते पाहत होते. दरम्यान काही दिवसापूर्वी 'गणपथ' चित्रपटाचा टीझर 29 सप्टेंबर रोजी प्रदर्शित झाला होता. हा टीझर चाहत्यांना खूप आवडला होता. या चित्रपटाचा टीझर हा 27 सप्टेंबर रोजी प्रदर्शित होणार होता, परंतु काही कारणास्तव याची तारीख पुढे ढकलण्यात आली होती.
'गणपथ'चा ट्रेलर प्रदर्शित :'गणपत' चित्रपटाच्या ट्रेलरमध्ये टायगर श्रॉफ आणि क्रिती सेनॉन अ‍ॅक्शन पाहायला मिळत आहे. याशिवाय या ट्रेलरमध्ये अमिताभ बच्चनची झलक देखील दाखविण्यात आली आहे. 'गणपथ'चा ट्रेलर हा 2 मिनिट 28 सेंकदाचा आहे. या चित्रपटाची कहाणी ही 2070 मध्ये सुरू होत आहे. ट्रेलरमध्ये टायगरचे दोन रूप पाहायला मिळत आहे. या ट्रेलरमध्ये टायगर श्रॉफ आणि क्रिती सेनॉन अ‍ॅक्शन मोडमध्ये दिसत आहे. हा चित्रपट या दसऱ्याला म्हणजेच 20 ऑक्टोबरला थिएटरमध्ये रिलीज होणार आहे. 'गणपथ- ए हिरो इज बॉर्न' हा एक उत्कृष्ट हाय-ऑक्टेन अ‍ॅक्शन चित्रपट आहे. 2070 मध्ये सुरू होत असलेल्या या चित्रपटामध्ये यांत्रिकीकरण आणि मानवांमधील युद्ध दिसत आहे. हा चित्रपट या काळाच्या खूप पुढं असणार आहे. 'गणपथ'च्या एका सीनमध्ये अमिताभ बच्चन पुन्हा एकदा त्याच्या फ्लॉप चित्रपट 'ठग्स ऑफ हिंदोस्तान'च्या लूकमध्ये दिसत आहेत.