मुंबई - Disha patani : दिशा पटानी नेहमीच तिच्या बोल्ड लूकमुळं चर्चेत असते. अनेकदा ती वेगवेगळ्या ठिकाणी फिरताना दिसते. दरम्यान आता ती मंगळवारी सकाळी विमानतळावर दिसली. यावेळी तिनं निळा जीन्स, स्पेगेटी आणि डेनिम जॅकेटसह स्नीकर्स घातले होते. या लूकला आणखी खास बनविण्यासाठी यावर तिनं लाईट मेकअप केला होता. याशिवाय तिनं आपली केस मोकळे सोडले होते. या लूकमध्ये ती खूप खास दिसत होती. दिशाला पाहताच सर्व फोटोग्राफर्स तिचे फोटो क्लिक करू लागले. यावेळी अनेकांनी तिच्यासोबत फोटो क्लिक केले. याशिवाय दिशाची फिट बॉडी पाहून सगळेच प्रभावित झाले.
दिशा पटानीचा व्हिडिओ झाला व्हायरल : सध्या सोशल मीडियावर दिशा पटानीचा व्हिडिओ व्हायरल झाला आहे. या व्हिडिओवर अनेकजण कमेंट करून तिच्यावर प्रेमाचा वर्षाव करत आहेत. एक यूजरनं कमेंट करत लिहलं, 'दिशा तू खूप बोल्ड आहेस, तूझ्यासारखी फिगर कोणाचीच नाही'. दुसऱ्या एका यूजरनं लिहलं, 'तू खूप खास आहे'. अशा अनेक कमेंट्स या व्हिडिओवर येत आहेत. काहीजण या व्हिडिओवर हार्ट आणि फायर इमोजी पोस्ट करत आहे. दिशाचा हा व्हिडिओ अनेकांना पसंत पडला आहे. दिशा अनेकदा तिचे फोटो आणि व्हिडिओ सोशल मीडियावर चाहत्यांसोबत शेअर करत असते. तिचा चाहतावर्ग खूप मोठा आहे. अनेकदा ती मौनी रॉयसोबत पार्टी करताना दिसते. या दोघी खूप जवळच्या मैत्रिणी आहेत. दरम्यान आता मिळालेल्या माहितीनुसार, दिशा टोकियोला जात आहे. तिला कॅल्विन क्लेनच्या 2023 च्या फॉल कलेक्शनच्या लॉन्च इव्हेंटमध्ये उपस्थित राहण्यासाठी आमंत्रित करण्यात आले आहे. हा कार्यक्रम टोकियो, जपानमध्ये होणार आहे. या कार्यक्रमात आशियाई देशांतील अनेक प्रसिद्ध अभिनेत्री आणि व्यक्ती सहभागी होणार आहेत.