मुंबई - Lakshadweep Vs Maldives :पंतप्रधान नरेंद्र मोदी यांनी लक्षद्वीपच्या सुंदर आणि भव्य समुद्रकिनाऱ्यावरची फोटो सोशल मीडियावर शेअर केली, तेव्हापासून लक्षद्वीप चर्चेत आहे. लक्षद्वीपच्या सौंदर्यानं देश-विदेशात खळबळ माजवली आहे. टीव्ही आणि बी-टाऊन स्टार्स या ठिकाणाला पसंती देताना दिसत आहेत. लक्षद्वीपचे नैसर्गिक सौंदर्य पाहिल्यानंतर बी-टाऊन स्टार्सही मालदीव जाण्याऐवजी या ठिकाणाला भेट देण्याचा विचार करताना दिसत आहेत. सोशल मीडियावर लक्षद्वीपच्या सौंदर्याची प्रशंसा केली जात आहे. आतापर्यंत बी-टाऊन स्टार्सला मालदीव पर्यटन स्थळ पसंत होत.
अली मर्चंट मालदीव जाणं केलं रद्द :आता परिस्थिती बदलेली आहे. टीव्ही अभिनेता आणि बिग बॉस फेम अली मर्चंटनं शेवटच्या क्षणी मालदीवमधील हनीमूनचा प्लॅन रद्द केला आहे. अली मर्चंटनं अलीकडेच अंदलीब जैदीशी तिसरे लग्न केलं. अली आपल्या पत्नीला हनीमूनसाठी थायलंड घेऊन गेला आहे. याआधीन त्यानं हनीमूनसाठी मालदीवला जाण्याचा प्लॅन केला होता. लक्षद्वीपच्या सौंदर्य पाहून आणि मालदीव सरकारची आक्षेपार्ह टिप्पणी लक्षात येताच त्यानं मालदीवला जाणं रद्द केलं. अली सध्या थायलंडमध्ये पत्नीसोबत हनीमून एन्जॉय करत आहे. दरम्यान अलीनं मालदीव सरकारची आक्षेपार्ह टिप्पणीबद्दल बोलाताना म्हटलं की, ''मी माझ्या हनिमूनसाठी मालदीव बुक केलं होतं, पण जेव्हा मी मालदीव सरकारचे वादग्रस्त विधान वाचले, तेव्हा मी शेवटच्या क्षणी माझी हनीमून ट्रिप रद्द केली. त्यानंतर मी थायलंडसाठी तिकिट बुक केली.''