पुणे - महानगरपालिकेतील सफाई कर्मचारी महिलांसाठी विमा योजना पुन्हा सुरू करावी. तसेच, कोरोना काळातील प्रोत्साहन भत्ता द्यावा, विमा सरंक्षण द्यावे, घरटी कचरा गोळा करण्याचा दर काही महिन्यांसाठी वाढवावा, आदी प्रलंबित मागण्यांसाठी शहरातील महिला सफाई कर्मचाऱ्यांनी पुणे महापालिका भवनासमोर थाळी बजाव आंदोलन केले.
संपूर्ण पुणे शहरात तीन हजार पेक्षा जास्त महिला सफाई कर्मचारी दारोदारी जाऊन कचरा गोळा करतात. या महिलांना अत्यंत कमी मोबदला मिळतो. तसेच, कोणतीही विशेष आरोग्य सुरक्षा मिळत नसल्याने त्यांनी आज (मंगळवार) महापौर आणी पुणे महानगरपालिका आयुक्तांना विविध मागण्यांचे निवेदन दिले आहे.
प्रलंबित मागण्यांसाठी पुण्यात महिला सफाई कर्मचाऱ्यांचे 'थाळी बजाव आंदोलन'