पुणे - मध्यप्रदेशातील सेवादलाच्या कार्यक्रमात प्रकाशित झालेल्या सावरकरांवरील पुस्तकात छापलेल्या आक्षेपार्ह मजकुरावरुन सध्या वादंग माजला आहे. भारतीय जनता पक्षाने या कृतीचा निषेध करत रस्त्यावर उतरण्याचा इशारा दिला. यानंतर भाजपतर्फे काँग्रेसचा निषेध करण्यात आला. शहर भाजपच्या वतीने सारस बागेत जवळील सावरकर स्मारक येथे निदर्शने करण्यात आली.
काँग्रेस विरोधात भाजप आक्रमक; पुण्यात निदर्शने
सावरकरांच्या विरोधात अशा प्रकारचे लिखाण करून काँग्रेस आपली संस्कृती दाखवून देत आहे, असे भाजप कार्यकर्त्यांनी सांगितले. काँग्रेसला गांधी-नेहरू यांच्या पलिकडे इतर राष्ट्रपुरूष मान्य नाहीत, असा आरोप त्यांनी केला आहे.