पुण्यातील बी जे मेडिकल कॉलेज आणि ससून रुग्णालयाचे प्रमुख डॉ. अजय चंदनवाले यांची तडकाफडकी बदली

पुणे शहरात कोरोनाचा संसर्ग वाढत आहे. यातच आता बी जे मेडिकल कॉलेजचे डीन डॉ. अजय चंदनवाले यांची बदली करण्यात आल्याचे समोर आले आहे.

पुणे - शहरात कोरोनाचा संसर्ग फैलावत असतानाच आता बी जे मेडिकल कॉलेजचे डीन डॉ. अजय चंदनवाले यांची तडकाफडकी बदली करण्यात आली आहे. बी जे मेडिकल कॉलेज आणि ससून रुग्णालयाची जबाबदारी विभागीय आयुक्त डॉ. दीपक म्हैसेकर यांच्याकडे सोपविण्यात आली आहे.

पुणे शहरात कोरोनाचा उद्रेक झालेला असताना ससून रुग्णालयात कोरोनाबाधित रुग्ण मोठ्या संख्येने दाखल होत असताना डॉ. चंदनवाले यांची तडकाफडकी बदली झाल्याने तर्कवितर्क लढवले जात आहेत. डॉ चंदनवाले यांच्याकडे मुंबईतील वैद्यकीय शिक्षण आणि संशोधन विभागाच्या सहसंचालक पदाचा कारभार सोपवण्यात आला आहे.