पुणे -पुण्यातील मुळशी येथून २५ जानेवारी रोजी गायब झालेल्या ५ मुलांपैकी ३ मुले सापडली ( 3 Out of 5 children missing from Mulshi found ) असल्याची माहिती मिळाली आहे. मुळशी येथील संपर्क बाल आशाघर येथून २५ जानेवारी रोजी ही ५ मुले बेपत्ता झाली होती.
पुणे : मुळशी येथून बेपत्ता झालेल्या ५ मुलांपैकी ३ मुले सापडली, २ मुलांचा शोध सुरू
पुण्यातील मुळशी येथून २५ जानेवारी रोजी गायब झालेल्या ५ मुलांपैकी ३ मुले सापडली ( 3 Out of 5 children missing from Mulshi found ) असल्याची माहिती मिळाली आहे. मुळशी येथील संपर्क बाल आशाघर येथून २५ जानेवारी रोजी ही ५ मुले बेपत्ता झाली होती.
प्रतिकात्मक
या बाल आशाघरात राहणारी सारी मुले अनाथ आहेत. २४ जानेवारी रोजी एका अज्ञात व्यक्तीने या ५ मुलांना फुस लावून पळवून नेल्याचा आरोप या संस्थेचे संस्थाचालक मनोज गवळी यांनी केला होता. त्यांच्या फिर्यादीवरून पोलीस ठाण्यात बेपत्ता मुलांबाबत तक्रार दाखल करण्यात आली होती.
५ बेपत्ता मुलांपैकी ३ मुले ही काल मुळशी येथील चिखलगाव दुर्गेवडी येथे सापडली असून उर्वरित २ मुलांचा शोध सुरू असल्याची माहिती पौड पोलिसांनी दिली. श्रीपती लहू मोरे, गणपत उघडे, सागर वाघमारे अशी सापडलेल्या तीन मुलांची नावे आहेत.