नाशिक - स्मार्ट सिटी अंतर्गत होणाऱ्या विकास कामांमध्ये गोदावरी पात्रातील काँक्रेटिकरण काढण्यात येणार आहे. यामुळे पुन्हा एकदा गोदावरी मोकळा श्वास घेणार असल्याची भावना स्थानिकांमध्ये आहे. हे काँक्रिट हटवल्याने नदी पात्रातील 17 प्राचीन कुंड आणि नैसर्गिक जलस्रोत पुनर्जीवित होणार आहेत. गेल्या अनेक दिवसांपासून सुरू असलेल्या गोदा प्रेमींच्या लढ्याला यश आले आहे.
स्मार्ट सिटी अंतर्गत होणाऱ्या विकास कामांमध्ये गोदावरी पात्रातील काँक्रेटिकरण काढण्यात येणार आहे.
सन 2003 मधील कुंभमेळ्यासाठी केलेल्या विकासकामांमध्ये गोदावरी नदीपात्रात काँक्रिटीकरण करण्यात आले. हे काम करताना प्रशासनाने नदीपात्रातील प्राचीन 17 कुंड सिमेंट-काँक्रिटने बुजवले होते. यामुळे नैसर्गिक जलस्रोत देखील लुप्त झाले.