मुंबई -मुंबई एअरपोर्टजवळ एका फॉर्च्युनर (Toyota Fortuner) कारने सोमवारी मध्यरात्री पेट घेतला. याच वेळी मुख्यमंत्री एकनाथ शिंदे (CM Eknath Shinde) यांचा ताफा हा मुंबईच्या दिशेने जात होता. रस्त्यात कार जळतेय हे पाहून मुख्यमंत्र्यांनी गाडी थांबवली आणि कारमालकासोबत बातचीत केली.
यावेळी मुख्यमंत्री शिंदे यांनी गाडीपेक्षा जीव महत्त्वाचा आहे, असे म्हणत कारचालकाला धीर दिला. गाडी आपण नवीन घेऊ, पण जीव जास्त महत्त्वाचा आहे, असे त्यांनी कारमध्ये असलेल्यांना म्हटलं. त्यानंतर मुख्यमंत्री पुढे रवाना झाले. यावेळी कारचालकानेही मुख्यमंत्र्यांनी विचारपूस केल्याने त्यांचे आभार मानले. तसेच त्या युवकाला मदत करण्याच्या सूचना मुख्यमंत्री शिंदे यांनी यंत्रणेला दिल्या.