रेल्वे रुळावर व्हिडिओ बनविणाऱ्या युवकाचा शोध सुरू

रेल्वे रुळावर बसुन, हातामध्ये एक पिस्तूल घेऊन, तो कपाळावर लावून व्हिडिओ रेकॉर्ड केल्याचा एक व्हिडिओ सध्या प्रचंड व्हायरल झालेला आहे. या व्हिडिओतील युवकाचे नाव आरमान खुर्शीद शेख असे असून, तो घाटकोपर येथील राम रहीम कॉलनी राहतो. रेल्वे पोलिसांकडून या 21 वर्षीय युवकाचा शोध घेतला जात आहे.

मुंबई- रेल्वे पोलिसांकडून एका 21 वर्षीय युवकाचा शोध घेतला जात असून, सोशल माध्यमांवर या युवकाचा एक व्हिडिओ सध्या प्रचंड व्हायरल झालेला आहे. अंगावर काटा आणणार्‍या व्हिडिओमध्ये युवक रेल्वे रुळावर बसलेला आहे. त्याच्या हातामध्ये एक पिस्तूल असून तो कपाळावर लावून हा व्हिडिओ रेकॉर्ड करतानाचे दृश्य व्हिडिओत पाहायला मिळत आहे. हा व्हिडिओ रेकॉर्ड करत असताना या युवकाच्या मागून लोकल रेल्वे जात असल्याचेही पाहायला मिळत आहे.

सोशल माध्यमांवर पोस्ट केला व्हिडीओ

हा व्हिडीओ सोशल माध्यमांवर पोस्ट केला आहे. या खाली युवकाने मजकूर लिहिताना म्हटले आहे की "when my mood off, i want break time, so leave me alone". अंधेरी जीआरपी कडून युवकाचा शोध घेतला जात आहे. या युवकाचे नाव आरमान खुर्शीद शेख असे असून तो घाटकोपर येथील राम रहीम कॉलनी याठिकाणी राहत असल्याचे समोर आले आहे.

हेही वाचा -कोरोनामुळे पालक गमावलेल्या एक हजार मुलांना दत्तक घेण्याचा पुरुषोत्तम धोंडगेंचा निर्णय