मुंबई - सेनेचे आमदार फुटणार ही अफवा आहे. त्यांची सेनेच्या आमदारांच्या आसपास फिरकण्याची हिंमत असेल तर त्यांनी आमदार फोडून दाखवावे, असा टोला संजय राऊत यांनी भाजपला लगावला. ते पुढे म्हणाले इतर पक्षाच्या आमदारांना फोडण्याचा प्रयत्न सुरू आहे. सेनेचे आमदार निष्ठावान आहेत. कर्नाटकात जे झाले ते महाराष्ट्रात होऊ देणार नाही, असा इशारा त्यांनी भाजपला दिला.
संजय राऊत म्हणाले महाराष्ट्राचा कर्नाटक होऊ देणार नीहा
आज शिवसेना आमदारांची मातोश्रीवर बैठक होणार आहे. या बैठकीत शिवसेना पक्ष प्रमुख आमदारांना विश्वासात घेऊन भूमिका स्पष्ट करतील असेही ते म्हणाले. मी पक्षाची भूमिका मांडत आहे. मी माझ मत माडत नाही, असे ते म्हणाले. यावेळी त्यांनी मुख्यमंत्री सेनेचाच होणार असल्याचा विश्वास व्यक्त केला.