मुंबई- एलफिस्टन पूल आणि अंधेरी गोखले पुल पडल्यानंतर बीएमसी, IIT- मुंबई आणि रेल्वेने मुंबईतील ४४५ FOB/ROB चे ऑडिट केले होते. ज्यामध्ये काही पुल तोडून नवीन बांधण्याचे सूचित केले होते. तर काहींचे डागडुजीकरण करण्याचे ठरले होते. गुरुवारी सीएसएमटी स्टेशन परिसरातील जो पादचारी पुल पडला त्याचेही ऑडिट करण्यात आले होते. परंतु, ऑडिट करणाऱ्या विभागाने कामात हलगर्जीपणा केल्याचा प्रकार समोर आला आहे. त्यामुळेच हा पूल कोसळून ६ निष्पाप लोकांचा बळी गेला आहे. हा पूल १९८४ साली बांधला होता. याबाबतची माहिती शकील अहमद यांनी माहिती अधिकारामार्फत मिळवली आहे.
आरटीआय कार्यकर्ता शकील अहमद शेख यांनी मुंबई उपनगरीय रेल्वेमार्गावर असणारे काही FOB/ROB पूल आहेत. ज्यांची बांधणी कधी झाली होती, पुलांचे निरीक्षण करण्यासाठी एकूण किती निरीक्षक होते आणि पूल निरीक्षण करणाऱ्या निरीक्षकांच्या हातात किती जबाबदारी आहे, यासारख्या अनेक प्रश्नांची त्यांना धक्कादायक माहिती आरटीआयमधून प्राप्त झाली आहे. यामध्ये सीएसटी ते कर्जत आणि कसारायामध्ये एकूण ७१ ROB आहेत. तर, १६३ FOB पश्चिम रेलवेवर चर्चगेट ते सूरतच्या दरम्यान १४६ FOB आहेत. एकूण ४६ ROB आहेत. तर २०० हुन अधिक पूल हे धोकादायक परिस्थितीत आहेत.
गुरुवारी जो सीएसटी पादचारी पुल पडला त्याची बांधणी १९८४ झाली होती. यामध्ये बीएमसी, IIT- मुंबई आणि रेल्वे ऑडिट केले होते, तर हा पुल पडला कसा? ऑडिट दलाला पुल निकामी झाल्याची माहिती नव्हती का? असे प्रश्न आता या माहिती अधिकारातून मिळालेल्या माहितीतून उपस्थित होत आहेत.