मुंबई -उपनगरीय रेल्वे मार्गावर रेल्वे रुळांची दुरुस्ती आणि तांत्रिक कामांसाठी मध्य रेल्वे, पश्चिम रेल्वे आणि हार्बर रेल्वे मार्गांवर रविवारी 7 फेब्रुवारी रोजी मेगाब्लॉक घेण्यात येणार आहे. मध्य रेल्वेच्या मुख्य मार्गावरील माटुंगा ते मुलंड रेल्वे स्थानकादरम्यान अप व डाऊन जलद मार्गांवर आणि हार्बर मार्गावरील पनवेल ते वाशी रेल्वे स्थानकादरम्यान मेगाब्लॉक असणार आहे. तर पश्चिम रेल्वे मार्गावर वसई ते भाईंदर रेल्वे स्थानकादरम्यान अप व डाउन जलद मार्गांवर रात्रकालीन मेगाब्लॉक असणार आहे.
माटुंगा-मुलुंड रेल्वे स्थानकादरम्यान मेगाब्लॉक
मध्य रेल्वेच्या माटुंगा ते मुलुंड अप व डाऊन जलद मार्गावर सकाळी 11 ते दुपारी 4.05 वाजेपर्यंत रविवारी मेगाब्लॉक असणार आहे. यादरम्यान सीएसएमटी येथून सुटणार्या डाऊन जलद रेल्वे माटुंगा येथे डाऊन धीम्यामार्गावर वळवण्यात येतील. या सर्व लोकल सायन व मुलुंड दरम्यानच्या सर्व स्थानकांवर थांबतील आणि नियोजित वेळेपेक्षा आपल्या गंतव्यस्थानावर १५ मिनिटे उशिरा पोहोचणार आहेत. ठाण्यापलीकडील जलद गाड्या मुलुंड येथे डाऊन जलद मार्गावर पुन्हा वळवण्यात येतील. तर ठाणे येथून सुटणाऱ्या अप जलद सेवा मुलुंड येथे अप धीम्या मार्गावर वळवण्यात येतील आणि मुलुंड ते दादर स्थानकांदरम्यानच्या सर्व स्थानकांवर थांबतील आणि आपल्या नियोजित वेळेपेक्षा गंतव्यस्थानावर १५ मिनिटे उशिरा पोहोचतील.
हार्बर मार्गावरील सर्व सेवा रद्द