मुंबई - पेट्रोल आणि डिझेलच्या किंमतींचा दररोज सर्वसामान्य माणसांच्या खिशावर परिणाम होतो. दररोज पेट्रोल आणि डिझेलचे दर बदलतात. यापूर्वी, पेट्रोल आणि डिझेलच्या किंमती सतत 6 दिवस वाढवण्यात आल्या. आज तेल कंपन्यांनी पेट्रोल आणि डिझेलच्या किंमतीत कोणताही बदल केलेला नाही.
ईटीव्ही विशेष : इंधन कर वसुलीत भारत पाचव्या क्रमांकावर! इंडियन ऑईल वेबसाइटनुसार शुक्रवारी दिल्लीत पेट्रोलची किंमत प्रति लिटर 83.71 रुपये आहे, तर मुंबईत ते प्रति लिटर 90.34 रुपये आहे. कोलकातामध्ये पेट्रोल दर प्रतिलिटर 85.19 रुपये तर चेन्नईमध्ये 86.51 रुपये प्रतिलिटर आहे. दिल्लीत अजूनही डिझेल 73.87 रुपये प्रति लिटर दराने विकले जात आहे. मुंबईत डिझेलचे दर प्रतिलिटर फक्त 80.19 आहेत. कोलकातामध्येही डिझेलचे दर उद्या 77.44 रुपये, चेन्नईत डिझेलचे दर 79.21 रुपये प्रति लिटर असतील.
भारतात पेट्रोल आणि डिझेलच्या 66% किंमतीवर कर आकारला जातो. पेट्रोल आणि डिझेलवर सर्वाधिक कर लादलेल्या देशांमध्ये भारत पाचव्या क्रमांकावर आहे. ब्रिटन, इटली, फ्रान्स आणि जर्मनीमध्ये भारतापेक्षा जास्त कर वसूल केला जातो. स्पेन, जपान, कॅनडा आणि अमेरिका यांसारख्या देशांमध्ये कमी कर आकारला जातो. कन्सल्टन्सी फर्म ई-वाय इंडियाच्या ताज्या अहवालात ही माहिती समोर आली आहे.
जून २०२० मध्ये भारतात पेट्रोल आणि डिझेलवर अनुक्रमे 66.4% आणि 65.5% कर आकारण्यात आला. नऊ देशांपैकी ब्रिटन हे सर्वाधिक कर आकारणारे राज्य आहे. जूनमध्ये पेट्रोलवर 71.1% आणि डिझेलवर 68.1% कर आकारला जात होता. अमेरिकेत पेट्रोलवर सर्वात कमी 23.1% कर आकारला गेला आणि डिझेलवर 23.3% कर आकारण्यात आला.
1 जुलै रोजी जाहीर झालेल्या ग्राहक किंमत निर्देशांकानुसार जून २०२० मध्ये भारतात महागाईचा दर 6.1 टक्के होता. किरकोळ चलनवाढ डिसेंबर 2019 मध्ये निर्धारित केलेल्या पेक्षा 6 टक्क्यांपेक्षा अधिक आहे. जानेवारी, फेब्रुवारी आणि मार्चमध्येही हा दर जास्त होता. हे सूचित करते की कोविड -19 ने आर्थिक धोरणांवर प्रभाव पाडला आहे. ई-वाय इंडियाचे म्हणणे आहे की, पेट्रोलियम उत्पादने अद्याप जीएसटी कक्षेच्या बाहेर आहेत. कच्च्या किंमती कमी असूनही, केंद्र आणि राज्य सरकार कर वाढवत आहेत. यामुळे पेट्रोल आणि डिझेलच्या दरांमध्ये वाढ झाली आहे.
