मुंबई - मुंबई शहरातील काळा चौकी परिसरात असणाऱ्या मिलन इंडस्ट्रियल इस्टेटमध्ये भीषण आग लागली होती. मिलन इंडस्ट्रीयल इस्टेट इमारतीच्या 5 व्या मजल्यावरील बंद गाळ्यामध्ये ही आग लागली. अग्निशमन दलाच्या घटनास्थळी पाच गाड्या घटनास्थळी दाखल झाल्या. त्यांना आगीवर नियंत्रण मिळवण्यात यश आले आहे.
काळा चौकी परिसरातील अभ्युदय नगर येथील मिलान इंडस्ट्रियल इस्टेटच्या इमारतीला भीषण आग लागली. एकूण 7 मजली इमारत असणाऱ्या या इमारतीच्या पाचव्या मजल्यावर ही आग लागली आहे. आगची कारण अद्याप अस्पष्ट आहे. मात्र, अग्निशमन दलाच्या पाच गाड्या, एक रुग्णवाहिका आणि शिघ्र कृती दलाचे एक वाहन घटनास्थळी उपस्थित आहे. मुंबई अग्निशमन दलाकडून आग नियंत्रणात असल्याची माहिती देण्यात आली आहे.
हेही वाचा... हिंगणघाट जळीतकांड; पीडितेला कृत्रिम अन्ननलिकेतून अन्न, प्रकृती धोक्याबाहेर नाही