औरंंगाबाद - शहराच्या भविष्याचा विचार करत विकासाच्या दृष्टीने महत्वपूर्ण असलेल्या बाबा पेट्रोल पंप चौक ते चिकलठाणापर्यंतच्या अखंड उड्डाणपूलाला केंद्रीय रस्ते व महामार्ग मंत्री नितीन गडकरी यांनी हिरवा कंदील दाखवला आहे. अशी माहिती एमआयएमचे खासदार सय्यद इम्तियाज जलील यांनी पत्रकार परिषदेत दिली.
खासदार जलील म्हणाले की, गडकरी यांनी अखंड उड्डाण पुलाकरिता एका महिन्यात तज्ञ एजन्सीकडून सर्वेक्षण करून अहवाल सादर करण्याचे निर्देश दिले आहे. शहरात भविष्यात होणारे बदल व शहराचा विकास होण्यासाठी औरंगाबामध्ये चिकलठाणा ते बाबा पेट्रोलपंप चौकाला जोडणारा एकच अखंड उड्डाणपूल बनू शकतो. ज्यामुळे शहरातील सर्वात महत्वाच्या रस्त्यावरील वाहतूक कोंडी कमी होईल. यासंदर्भात झालेल्या बैठकीनंतर लवकरच काम होणार असल्याचे आश्वासन केंद्रीय मंत्री नितीन गडकरी यांनी दिले आहे.