औरंगाबाद - उस्मानाबाद येथे होणाऱ्या मराठी साहित्य संमेलनाच्या अध्यक्षपदी ख्रिस्ती धर्मगुरू फादर फ्रान्सिस दिब्रिटो यांची निवड झाली. यानंतर त्यांच्या निवडीला विरोध करण्यासाठी मराठवाडा साहित्य मंडळाचे अध्यक्ष कौतीकराव ठाले पाटील यांना धमक्या मिळत असल्याचा प्रकार समोर आला आहे. यासंदर्भात महामंडळ अद्याप कोणतीही तक्रार देण्याच्या मनस्थितीत नसल्याचे ठाले पाटील यांनी सांगितले.
दिब्रिटो यांच्या निवडीला विरोध करण्यासाठी मराठवाडा साहित्य मंडळाचे अध्यक्ष कौतीकराव ठाले पाटील यांना धमक्या मिळत आहेत.
ख्रिस्ती धर्मगुरू फादर फ्रान्सिस दिब्रिटो हे ख्रिश्चन धर्मीय असून, काही लोक त्यांना साहित्यिक समजत नसल्याने विरोध होत आहे, असे कौतीकराव ठाले पाटील यांनी सांगितले. तसेच अध्यक्ष बदलण्याची मागणी होत असली, तरीही आम्ही आमच्या निर्णयावर ठाम असल्याचे मत त्यांनी व्यक्त केले आहे.