नवी दिल्ली– बहुतांश कर्मचारी घरातून काम करत असल्याने विविध उद्योगांकडून नोटबुकच्या खरेदीचे प्रमाण वाढले आहे. त्याचा परिणाम म्हणून जूनच्या तिमाहीत नोटबुकच्या (लहान आकाराचा लॅपटॉप) विक्रीत विक्रमी वाढ झाली आहे.
गतवर्षीच्या जूनच्या तिमाहीच्या तुलनेत देशामध्ये असलेले पंरपरागत पीसीची बाजारपेठ, नोटबुक आणि वर्कस्टेशनच्या विक्रीत 37.3 टक्क्यांची घसरण झाली आहे. ही माहिती बाजारपेठ संशोधन संस्था आयडीसीने अहवालात दिली आहे. असे असले तरी नोटबुकच्या विक्रीत लक्षणीय वाढ झाली आहे.
नोटबुकच्या बाजारपेठेत एचपी कंपनीचा सर्वाधिक हिस्सा
नोटबुकच्या बाजारपेठेत एचपी कंपनीचा सर्वाधिक 32.8 टक्के हिस्सा राहिला आहे. नोटबुकच्या बाजारपेठेत लेनोवोचा 27.5 टक्के हिस्सा राहिला आहे. तर डेलचा नोटबुकच्या बाजारपेठेत 17.8 टक्के हिस्सा राहिला आहे. असे असले तरी डेलच्या एकूण उलाढालीत 62.7 टक्क्यांची घसरण झाली आहे. काही मोठ्या ऑर्डर मिळाल्याने एचपीने वाणिज्य श्रेणीत दमदार कामगिरी केली आहे. एचपी ही पीसीच्या श्रेणीतही विक्री करण्यात आघाडीवर राहिली आहे. आघाडीच्या पाच कंपन्यांपैकी केवळ एचपीने चालू आर्थिक वर्षाच्या जूनच्या तिमाहीत वृद्धीदर अनुभवला आहे.