केंद्र सरकारकडून पॅरासिटिमॉलपासून तयार केलेल्या संमिश्रांच्या निर्यातीवरील निर्बंध रद्द

पॅरासिटिमॉलपासून तयार करण्यात आलेल्या संमिश्रांच्या (फॉर्म्युलेशन) निर्यातीवरील बंदी सरकारने उठविली आहे.

नवी दिल्ली - कोरोनाचे संकट असताना केंद्र सरकारने औषधांच्या निर्यातीवर निर्बंध शिथील केले आहेत. पॅरासिटिमॉलपासून तयार करण्यात आलेल्या संमिश्रांच्या (फॉर्म्युलेशन) निर्यातीवरील बंदी सरकारने उठविली आहे.

केंद्र सरकारने पॅरासिटिमॉल तयार करण्यासाठी वापरण्यात येणाऱ्या क्रियाशील घटकद्रव्यांच्या (एपीआय) निर्यातीवरील बंदी कायम ठेवली आहे. केंद्र सरकारने मार्च ३ पासून २६ औषधी घटकद्रव्यांच्या निर्यातीवर बंदी लागू केली आहे.

हेही वाचा-कोरोनाशी लढा : एल अँड टी देणार सरकारला ४० कोटींची वैद्यकीय साधने

दरम्यान अनेक औषध निर्मिती कंपन्यांमधील कामगार कामावर येत नसल्याने औषध निर्मितीवर परिणाम होत आहे. महत्त्वाचे म्हणजे ज्या कंपन्या औषध निर्मिती करत आहेत त्यांना औषधांची वाहतूक करण्यासाठी वाहने आणि कर्मचारी मिळत नसल्याचे चित्र आहे.

हेही वाचा-कामगारांचा तुटवडा आणि औषधांच्या साठेबाजीमुळे औषधनिर्मिती क्षेत्राला फटका