रत्नागिरी - जिल्ह्यातील लांजा येथे साडेआठ फूट लांबीच्या अजगराला जीवनदान देण्यात सर्पमित्रांना यश आले आहे. लांजा येथील भावदनकर नर्सरी जवळील वडाच्या झाडावर असलेल्या अजगराची यशस्वीपणे सुटका करण्यात आली.
हेही वाचा... बियाणे वाटपात विलंब करणाऱ्या अधिकाऱ्यांना दणका; वेतनवाढ थांबवली
झाडावर अजगर असल्याचे शनिवारी रात्री लोकांच्या लक्षात आले. त्यानंतर या अजगराला पाहण्यासाठी अनेकांनी गर्दी केली. उंचावर असलेल्या या अजगराला सुरक्षित काढण्यासाठी स्थानिक सर्पमित्र सचिन जाधव, विशाल कांबळे, मयूर कांबळे यांना बोलावण्यात आले. मात्र उंच झाडावर अजगर असल्याने त्याला सुरक्षित काढण्यासाठी अडचणी येत होत्या. त्यामुळे जेसीबीची मदत घेण्यात आली. जेसीबी बकेटमध्ये सर्प मित्राला बसवून अजगरच्या ठिकाणी नेण्यात आले. त्यानंतर या अजगराला सुरक्षित काढण्यात आले आणि नैसर्गिक अधिवासात सुरक्षितपणे सोडण्यात आले.
हेही वाचा... संगमनेरच्या जवानाचा अपघाती मृत्यू; दिवाळी सुट्टीसाठी आल्यावर घडली घटना