अकोला- चौथ्यांदा खासदार झालेले संजय धोत्रे यांची केंद्रीय मंत्रिमंडळात वर्णी लागली आहे. याआधी काँग्रेसचे खासदार मधुसुदन वैराळे हे इंदिरा गांधी यांच्या मंत्रिमंडळात केंद्रीय मंत्री होते.
अकोल्याचे खासदार संजय धोत्रे यांची मंत्रिमंडळात वर्णी
अकोला जिल्ह्याचे नवनियुक्त खासदार संजय धोत्रे हे चौथ्यांदा निवडून आलेले आहेत. अकोल्यातील वंचित बहुजन आघाडीची पाळेमुळे ठिसूळ करण्यात त्यांचा मोठा हात आहे.
अकोला जिल्ह्याचे नवनियुक्त खासदार संजय धोत्रे हे चौथ्यांदा निवडून आलेले आहेत. अकोल्यातील वंचित बहुजन आघाडीची पाळेमुळे ठिसूळ करण्यात त्यांचा मोठा हात आहे. त्यांच्या या पराक्रमामुळे तसेच पक्षातील प्रत्येक कार्यकर्त्यांचा सन्मान, पक्षशिस्त, त्यांचा नम्रपणा, अभ्यासूवृत्ती, विद्वत्तेमुळे त्यांना केंद्रीय मंत्रिमंडळात घेण्यात ्आले आहे. अकोल्याच्या इतिहासात दुसऱ्यादा खासदार केंद्रीय मंत्रिमंडळात जाणार आहेत. याआधी अकोल्याचे काँग्रेसचे माजी खासदार मधुसूदन वैराळे हे इंदिरा गांधी यांच्या कार्यकाळात केंद्रीय राज्यमंत्री होते.
खासदार संजय धोत्रे हे अभियांत्रिकी असून त्यांनी नुकतीच वकिलीही उत्तीर्ण केली आहे. उच्च विभूषित असलेले संजय धोत्रे यांचे अकोल्यातील भाजप पक्षासाठी खूप योगदान आहे. अकोल्यात पक्षाचे संघटन, शिस्त राखण्यासाठी त्यांनी आटोकाट प्रयत्न केले आहे.