पाटणा :तत्कालिन जिल्हाधिकारी जी कृष्णय्या यांच्या खुनाच्या गुन्हात दोषी ठरलेल्या आनंद मोहनची बिहार सरकारकडून मुदतपूर्व सुटका करण्यात आली आहे. आनंद मोहनची सुटका करण्यासाठी नितीश कुमार यांनी तुरुंगाचे नियम बदलले आहेत. आनंद मोहनच्या सुटकेची घाई झाल्याचा आरोप करण्यात येत आहे. त्यामुळे नितीश कुमार सरकारने सोडलेल्या २७ बंदीवानांपैकी बक्सरमधील ९३ वर्षीय बंदीवानाचा मृत्यू झाला आहे. दुसरीकडे मात्र आनंद मोहन यांच्या सुटकेबाबत बिहारमधील कोणत्याही राजकीय पक्षाचा आक्षेप नाही.
बिहारमधील राजपूत मतांची ताकद : बिहारमध्ये राजपूत ही एक प्रभावशाली जात असल्यामुळे सर्वच राजकीय पक्षांना या समाजावर आपली पकड हवी आहे. बिहारमध्ये राजपूत लोकसंख्या ५ ते ६ टक्के आहे. बिहार विधानसभेच्या 30 ते 35 जागांवर आणि लोकसभेच्या 7 ते 8 जागांवर राजपूत समाजाची निर्णायक भूमिका आहे. 2024 च्या लोकसभा निवडणुकीच्या लढाईत या व्होटबँकेवर राजकीय पक्षांची नजर आधीपासूनच असल्याचे बोलले जात आहे. त्यामुळेच 2024 च्या लोकसभा निवडणुकीत आनंद मोहन यांची गरज वाढली आहे. प्रत्येकाला आनंद मोहनच्या ताकदीची कल्पना आहे. जातीबद्दल सहानुभूती दाखवण्याचा प्रयत्न पक्ष करत असल्याने लोकसभा निवडणुकीचा मार्ग सुकर होऊ शकतो असे मत राजकीय विश्लेषक कौशलेंद्र प्रियदर्शी यांनी व्यक्त केले आहे.
सवर्ण मतदारांना लक्ष्य :नितीश कुमार यांच्या पक्षाला सवर्ण नागरिकांची मते मिळत आहेत. पक्षांतर्गत अनेक राजपूत नेतेही आहेत. आनंद मोहन यांच्या बाजूने आवाज उठवून व्होट बँक मजबूत करण्याचा सुरुवातीपासूनच जेडीयूचा हेतू होता. दुसरीकडे भाजपही या आनंद मोहनमध्ये आपले भविष्य शोधत आहे. राजपूत हे भाजपचे मूळ मतदार आहेत. अशा स्थितीत भाजपला कोणत्याही परिस्थितीत ही संधी हातातून निसटू द्यायची नाही. भाजपचे ज्येष्ठ नेते आणि केंद्रीय मंत्री यांच्या वक्तव्यावरून सध्या तरी असेच दिसते आहे. केंद्रीय मंत्री गिरिराज सिंह यांनी आनंद मोहन यांना बळीचा बकरा केल्याचे म्हटले आहे. त्यांनी अनेक वर्ष कारागृहात काढली आहेत. मात्र त्यांच्यासोबत सोडण्यात आलेल्या 26 जणांवर आक्षेप असल्याचेही गिरिराज सिंह यांनी स्पष्टे केले आहे.