पाटणा - प्रेमाची हीच विटंबना आहे, की जीच्या दारी त्याने लग्नाची वरात घेऊन जाण्याचे आणि सप्तपदी घेण्याचे स्वप्न पाहिले होते. त्याच दारात आज त्यांच्यावर अंत्यसंस्कार पार पडले. बिहारच्या मुझफ्फरपूरमध्ये प्रियकराच्या मृतदेहावर प्रियसीच्या घरासमोर अंत्यसंस्कार करण्यात आल्याची घटना घडली आहे.
रामपूर शाह गाव रहिवासी सौरभ कुमार नावाचा तरुण सोनरबरसा गावातील मैत्रीणीला भेटण्यासाठी गेला होता. मात्र, मुलीच्या कुटुंबीयांना त्यांना रंगेहाथ पकडलं. संतप्त मुलीच्या नातेवाईकांनी तरुणाला लोखंडी रॉडने मारहाण केली. एवढेच नाही, तर त्यांनी त्याचे गुप्तांग कापले. यानंतर आरोपींनी त्याला उचलले आणि मुझफ्फरपूर येथील खासगी रुग्णालयात दाखल केले. सौरभच्या कुटुबीयांना याची माहिती मिळाल्यानंतर ते रुग्णालयात येईपर्यंत डॉक्टरांनी त्याला मृत घोषित केले.