गढवा ( झारखंड ) :कोरवाडीह माध्यमिक विद्यालयात ( Korwadih Middle School of Garhwa ) अल्पसंख्याक विद्यार्थ्यांची संख्या वाढल्याने हात जोडून प्रार्थना करण्याऐवजी हात बांधून प्रार्थना सुरू करण्यात आली ( Prayer With Folded Hands ) होती. ही बाब गढवा जिल्हा प्रशासनासमोर येताच त्यांनी त्याची गंभीर दखल घेतली. या प्रकरणाची माहिती मिळताच उपायुक्तांच्या सूचनेवरून प्रशासकीय अधिकाऱ्यांचे पथक शाळेत पोहोचले. यावेळी स्थानिक प्रमुखही उपस्थित होते, त्यांनी पुन्हा हात जोडून प्रार्थना सुरू केली.
अन् अधिकारी पोहोचले शाळेत : मिळालेल्या माहितीनुसार, कोरवाडीह मिडल स्कूलमध्ये अल्पसंख्यांक समाजातील 75 टक्के मुले शिकत आहेत. यामध्ये हात जोडून प्रार्थना करण्याऐवजी हात बांधून प्रार्थना करण्यात आली. ही बाब उघडकीस येताच प्रशासकीय विभागात खळबळ उडाली असून, घाईघाईत प्रशासकीय अधिकारी शाळेत पोहोचले. यानंतर सीओ कम डीएसई मयंक भूषण, बीडीओ कुमुद झा, माजी मुख्याध्यापक असराफी राम, मुखिया शरीफ अन्सारी, शाळा व्यवस्थापन समिती, मुख्याध्यापक आणि पालकांची बैठक झाली. या बैठकीत हात जोडून प्रार्थना करण्याचा निर्णय घेण्यात आला.