पंतप्रधान मोदी घेणार 19 राज्यांच्या 46 जिल्हाधिकाऱ्यांसोबत बैठक; कोरोना परिस्थितीबाबत करणार चर्चा

पंतप्रधान नरेंद्र मोदी 18 आणि 20 मे रोजी दोन उच्चस्तरीय बैठका घेणार आहेत. ज्या जिल्ह्यात सर्वांत जास्त कोरोनाचा प्रसार झाला आहे. त्या जिल्हाधिकाऱ्यांशी पंतप्रधान मोदी संवाद साधतील. या वेळी राज्याचे मुख्यमंत्रीही उपस्थित असतील.

नवी दिल्ली - देशात कोरोना रुग्णांची संख्या वाढत आहे. या पार्श्वभूमीवर पंतप्रधान नरेंद्र मोदी 18 आणि 20 मे रोजी दोन उच्चस्तरीय बैठका घेणार आहेत. ज्या जिल्ह्यात सर्वांत जास्त कोरोनाचा प्रसार झाला आहे. त्या जिल्हाधिकाऱ्यांशी पंतप्रधान मोदी संवाद साधतील. या वेळी राज्याचे मुख्यमंत्रीही उपस्थित असतील.

प्राथमिक माहितीनुसार, 18 मे रोजी 9 राज्यांच्या 46 जिल्हाधिकाऱ्यांसोबत बैठक आयोजित केली जाईल. त्यानंतर पीएम मोदी 20 मे रोजी 10 राज्यांच्या 54 जिल्हाधिकाऱयांसोबत बैठक घेतील. यापूर्वी पंतप्रधान नरेंद्र मोदींनी बुधवारी एक उच्चस्तरीय बैठक घेतली होती. यामध्ये त्यांनी देशातील ऑक्सिजन पुरवठा आणि औषधांच्या उपलब्धतेचा आढावा घेतला. यावेळी कोविड सोबतच सध्या प्रशासन म्युकरमायकोसिस बाबत करत असलेल्या नियोजनाबाबतही माहिती घेण्यात आली होती.

आरोग्य मंत्रालयाच्या आकडेवारीनुसार, गुरुवारी सकाळी आठ वाजेपर्यंत देशभरात 3,62,727 कोरोना पॉझिटिव्ह रुग्ण आढळले आहेत. याखेरीज गेल्या 24 तासांत 4,120 लोकांचा मृत्यू झाला आहे. यातच बुधवारी देशातील प्रमुख विरोधी पक्षाच्या 12 नेत्यांनी थेट पंतप्रधान नरेंद्र मोदींना पत्र लिहले होते. देशात कोरोना महामारी रोखण्यासाठी मुक्त लसीकरण मोहीम राबवणे, सेंट्रल व्हिस्टा प्रकल्प स्थगित करणे आणि त्या पैशाचा कोरोना महामारीविरोधात लढण्यासाठी उपयोग करण्याची मागणी केली होती.

हेही वाचा -ऑक्सिजनअभावी एकही रुग्ण दगावता कामा नये; गोवा सरकारला हायकोर्टाचे आदेश