हैदराबाद - नवीन वर्षाच्या पहिल्या दिवशी इंडियन ऑइलने व्यावसायिक एलपीजी सिलिंडरच्या (Commercial LPG Cylinder) दरामध्ये 100 रुपयांनी कपात करण्याचा निर्णय घेतला आहे. त्यामुळे सर्वसामान्य जनतेला खास दिलासा मिळणार आहे. इंडियन ऑइल (Inidan Oil) नवीन वर्षात लोकांना मोठी भेट दिली ( LPG Cylinder Price 1st January 2022 ) आहे.
इंडियन ऑइल (IOCL) नुसार, 1 जानेवारी 2022 रोजी दिल्लीतील व्यावसायिक गॅस सिलिंडरच्या किमतीत 102 रुपयांनी कपात करण्यात आली आहे. आता दिल्लीत 1998.5 मध्ये 19 किलोचा गॅस सिलिंडर उपलब्ध होणार आहे. चेन्नईतील ग्राहकांना व्यावसायिक एलपीजी सिलिंडरसाठी 2131 रुपये आणि मुंबईत 1948.50 रुपये मोजावे लागतील. नवीन वर्षात कोलकातामध्ये 19 किलोचा गॅस सिलिंडर 2076 रुपयांना मिळणार आहे.
गेल्या वर्षी डिसेंबरमध्ये व्यावसायिक एलपीजी सिलिंडरच्या किमतीत 100 रुपयांनी वाढ करण्यात आली होती. यावेळीही घरगुती सिलिंडरच्या दरात कोणताही बदल करण्यात आलेला नाही. गेल्या वर्षी ऑक्टोबरमध्ये घरगुती एलपीजी सिलिंडरच्या किमतीत वाढ करण्यात आली होती.