Shubh Muhurt 2023 : हिंदू धर्मात शुभ मुहूर्ताचे महत्त्व, मार्च महिन्यातील शुभ मुहूर्त

हिंदू धर्मात पूजेसोबतच शुभ मुहूर्ताचेही मोठे महत्व आहे. कोणते काम कोणत्या वेळी करावे यासाठी शुभ मुहूर्त असणे, अत्यंत आवश्यक आहे. शुभ मुहूर्ताशिवाय केलेले कार्य फलदायी नसते, जाणून घेऊया कोणत्या कार्यासाठी कोणता दिवस शुभ आहे ते.

रायपूर : कोणतेही शुभ कार्य करण्यापूर्वी वेळ चांगला असणे आवश्यक आहे. कोणतेही कार्य शुभ मुहूर्तावर केले गेले तर, ते फलदायी ठरते. म्हणूनच कोणत्याही शुभ कार्याची सुरुवात पूजा, यज्ञ आणि ध्यान केल्यानंतरच करावी. जेणेकरून ते कार्य आपल्यासाठी यशस्वी होऊन; त्याचे फळ आपल्याला अनुकूल होईल. अशुभ काळात केलेले शुभ कार्यही विपरीत परिणाम देते. म्हणूनच सर्व नियमांचे पालन करून शुभ मुहूर्तावर आपले कार्य सुरू करावे. मार्च महिन्यात घरोघरी लग्न, विवाह नोंदणी, नवीन वाहन, उपनयन आणि घराचे नूतनीकरण, मुंडण, यंत्रांचे विस्थापन, व्यवसाय सुरू करण्यासाठी अनेक प्रकारचे मुहूर्त आहेत.

शुभ काळ : ज्योतिषी आणि वास्तुविशारद पंडित विनीत शर्मा यांनी सांगितले की, 'गुरुवार 9 मार्च हा उपनयन संस्कारासाठी शुभ आहे. त्याचप्रमाणे 9 मार्च आणि 10 मार्च हे गृहप्रवेश करण्यासाठी पवित्र आहेत. 1 मार्च घराच्या नूतनीकरणासाठी आणि घराच्या बांधकामासाठी शुभ दिवस आहे. 3 मार्च, 4 मार्च आणि 9 मार्च हे देखील विविध शुभ कार्यासाठी शुभ दिवस आहेत. गुरुवार 9 मार्च वाहन खरेदीसाठी शुभ आहेत. 3 मार्च, 5 मार्च आणि 10 मार्च हे नविन व्यवसायाच्या स्थापनेसाठी शुभ दिवस आहेत. 9 मार्च हा मुंडन विधींसाठी (मुंज) शुभ दिवस मानला गेला आहे.

नवीन व्यवसाय सुरू करण्यासाठी शुभ मुहूर्त : ज्योतिषी आणि वास्तुविशारद पंडित विनीत शर्मा यांनी सांगितले की, 'व्यवसाय सुरू करण्यासाठी 9 मार्च हा शुभ दिवस आहे. त्याचप्रमाणे 12 मार्च रोजी रंगपंचमीच्या शुभ मुहूर्तावर गुह प्रवेश देखील करता येईल. 20 मार्च रोजी गर्भाधान, संस्कार, पुंसावन संस्कार, इत्यादीसाठी सोमवारची विशेष पूजा करता येते. घरात प्रवेश करताना पूजा शुद्ध मनाने करावी आणि सद्गुणी लोकांसोबत करावी.

गृहप्रवेश करण्यास शुभ दिवस आणि मुहूर्त : 09 मार्च गुरुवार रोजी गृह प्रवेश मुहूर्त- पहाटे 05.57 ते दुसऱ्या दिवशी सकाळी 06.37 पर्यंत आहे. 10 मार्च शुक्रवार रोजी गृह प्रवेश मुहूर्त- सकाळी 06.37 ते रात्री 09.42 वाजेपर्यंत आहे. 13 मार्च सोमवार रोजी गृह प्रवेश मुहूर्त- रात्री 09:27 ते दुसऱ्या दिवशी सकाळी 06:33 पर्यंत आहे. 16 मार्च गुरुवार रोजी गृह प्रवेश मुहूर्त - पहाटे 04.47 ते दुसऱ्या दिवशी सकाळी 06.29 पर्यंत आहे. 17 मार्च शुक्रवार रोजी गृह प्रवेश मुहूर्त - सकाळी 06:29 ते दुसऱ्या दिवशी सकाळी 02:46 पर्यंत आहे.

गृहप्रवेशाच्या दिवशी काय करावे :गृहप्रवेशाच्या दिवशी घराच्या मुख्य दरवाजाची पूजा करावी. फुले, आंबा-अशोकाच्या पानांनी चौकटीला तोरण लावावे. घराला सुत गुंडाळले जाते, यामुळे संपूर्ण घरातील नकारात्मक शक्ती दूर राहते, अशी मान्यता आहे. या दिवशी सर्वप्रथम गणेशाची आराधना करावी, जेणेकरून तुमच्या घरातील सकारात्मक्ता आणि शुभता वाढावी आणि जे काही वास्तू दोष वगैरे आहेत ते दूर व्हावे. घरात गणरायाची पूजा शुभ कार्य आणि सकारात्मकतेसाठी करावी, तर माता लक्ष्मीची पूजा घरात सुख-समृध्दी नांदण्यासाठी केली जाते.