मुंबई :जन्मकुंडलीतील 22 मार्च 2023 रोजीच्या भाग्यशाली राशीची चिन्हे जाणून घ्या कशी असतील. कसा असेल तुमचा दिवस, कशी राहील नोकरीतील स्थिती, प्रेम, विवाह, व्यवसाय अशा आघाड्यांवर कशी असेल ग्रहस्थिती, तुमच्या जोडीदारासोबतचा दिवस कसा जाईल, या सर्व प्रश्नांची उत्तरे जाणून घेण्यासाठी 'ईटीव्ही' भारतवर वाचा, राशी भविष्य.
मेष : आज दिवसभर प्रतिकूलतेचा सामना करावा लागल्याने शारीरिक व मानसिक अस्वस्थता अनुभवाल. विनाकारण खर्च वाढले तरी आर्थिक गुंतवणूक करू शकाल. परोपकारात सगळे होते नव्हते ते गमावून बसण्याचे संकट येईल. आर्थिक देवाणघेवाण करताना सावध राहावे लागून गूढ विषयांकडे कल वाढेल. लोभाच्या लालसेपासून दूर राहणेच बरे राहील. निर्णयशक्तीच्या अभावाने द्विधा मनःस्थिती होईल, त्यामुळे सावध राहून निर्णय घ्या.
वृषभ :आजचा दिवस तुम्हाला आनंदाचा असून व्यापार व प्राप्तीत वाढ होऊ शकते. कुटुंबीय आणि मित्रांसह आनंदात राहू शकाल तसेच नवे संबंधासह नवे परिचय व्यापारात लाभप्रद होतील. लहानसा प्रवास आनंददायी होऊन आजचा संपूर्ण दिवस उल्हास व प्रसन्नतेने भरलेला असेल.
मिथुन : आज तुम्हाला शारीरिक, मानसिक सुख चांगले मिळण्याची शक्यता आहे. नोकरी आणि व्यवसायात आपल्या कामाची प्रशंसा होईल त्यासह व्यापारी कामाची कदर करतील. त्यामुळे आपणास जास्त प्रोत्साहन मिळून बढती संभवते. समाजात मान आणि प्रतिष्ठा वाढून सरकारी कामात यश मिळेल.
कर्क : आज नशिबाची साथ लाभून अचानक धनलाभ होण्यासह विदेशी जाण्यासाठी केलेले प्रयत्न यशस्वी होतील. मंगल कार्य किंवा प्रवास याच्यावर खर्च होऊन कुटुंबीय आणि वरिष्ठांसह दिवस सौख्यदायी होईल.
सिंह : आज प्रकृतीकडे लक्ष द्यावे लागून प्रकृतीसाठी खर्च करावा लागेल. नकारात्मक विचार आपणाला चुकीच्या मार्गावर नेणार नाहीत याची काळजी घ्यावी लागणार असून कुटुंबियांशी मतभेद होतील. अवैध कामामुळे बदनामी होण्याची शक्यता असल्याने योग्य मार्गदर्शन मिळविण्यासाठी प्रयत्न करा.
कन्या : आज तुम्हाला दाम्पत्य जीवनात सुखद क्षण अनुभवण्याची संधी मिळणार आहे. सामाजिक आणि सार्वजनिक क्षेत्रात सन्मानासह प्रतिष्ठा लाभेल. मनोरंजनाच्या कार्यक्रमात भाग घेऊन वस्त्रे, अलंकार, वाहन इत्यादींची खरेदी होईल. भिन्नलिंगी व्यक्तीची ओळख प्रणयात परिवर्तित होऊ शकते, मात्र सावधगिरी बाळगा. व्यापारात भागीदारांशी चांगले संबंध राहून धनलाभ होण्याची शक्याता आहे.
तूळ : आज सामान्यतः प्रकृती उत्तम राहिल्याने आजारी व्यक्तींना पण आराम वाटेल. घरातील सुख शांतीच्या वातावरणात वेळ घालवून कामात सफलता मिळाल्याने उत्साह वाढेल. नोकरीत लाभदायक बातमी मिळून सहकार्‍यांचे चांगले सहकार्य मिळेल. भिन्नलिंगी मित्रांचा सहवास घडण्यासह विरोधकांवर मात कराल.
वृश्चिक :आजचा दिवस मध्यम फलदायी असून विद्यार्थ्यांना अभ्यासात चांगली प्रगती करता येईल. नवीन कार्य शक्यतो आज सुरू करू नये, हानी होण्याची शक्यता आहे. जुगारसदृश बाबींपासून शक्यतो दूर राहून प्रवास सुद्धा शक्यतो टाळावेत.
धनू : आज मनात औदासिन्य दिसून येण्यासह शारीरिक उत्साह व मानसिक तरतरीचा अभाव असेल. कुटुंबीयांशी तणावाच्या प्रसंगामुळे घरातील वातावरण कलुषित होऊन एखादी मानहानी संभवते. जमीन वा वाहना संबंधीची कागदपत्रे सावधपणे तयार करा, धोका होण्याची शक्याता आहे.
मकर : आजचा दिवस नवीन कार्य हाती घेण्यास अनुकूल असून नोकरी, व्यापार व दैनंदिन कामात अनुकूल स्थिती आहे. भावंडांकडून सहकार्य मिळून लाभ सुद्धा होऊ शकतात. विद्यार्थ्यांना विनासायास अभ्यास करता येईल, यशही मिळेल.
कुंभ : आज तुमचा वादविवाद होण्याची शक्यता असला तरी एखाद्या मांगलिक कार्यासाठी खर्च होईल. घरातील वातावरण कलुषित होण्यासह कामातील अपयशाने मन दुःखी होऊन नैराश्य येईल. आज प्रकृतीकडे लक्ष द्यावे लागून निर्णय क्षमतेचा अभाव दिसून येईल.
मीन : आजचा दिवस शुभ फलदायी असून उत्साह व स्वास्थ्य टिकून राहील. नवीन कार्यारंभासाठी दिवस अनुकूल असल्याने मित्र व कुटुंबीयांसह भोजनाचा आस्वाद घ्याल. धनलाभ संभवत असला तरी खर्च वाढणार नाही याकडे लक्ष द्यावे लागेल. एखादा प्रवास घडणार असून कार्यात यशस्वी व्हाल.
