नवी दिल्ली -युरोपियन युनियनच्या अध्यक्षा उर्सुला वॉन डेर लेयन या दोन दिवसांच्या भारत दौऱ्यावर आल्या आहेत. 25 एप्रिलपासून सुरू होणाऱ्या रायसीना कार्यक्रमात त्या प्रमुख पाहुण्या असतील. 2022 मधील रायसिन कार्यक्रमाचे सहा मुद्दे आहेत. त्यामध्ये लोकशाहीचा पुनर्विचार, व्यवसाय, तंत्रज्ञान आणि विचारधारा, भारतीय पॅसिफिकमधील टर्ब्युलेंट टाईम्स, ग्रीन चेंज, जल समूह या मुद्यांचा समावेश आहे. युरोपियन कमिशनचे अध्यक्ष म्हणून उर्सुला वॉन डर लेन यांचा हा पहिलाच भारत दौरा आहे.
पॅसिफिकमधील सहकार्य हे मुद्दे चर्चेच्या केंद्रस्थानी - लेयन या आपल्या दौऱ्यात राष्ट्रपती रामनाथ कोविंद यांची भेट घेतील. त्यानंतर पंतप्रधान नरेंद्र मोदी यांच्याशी द्विपक्षीय चर्चा करणार आहेत. यामध्ये हवामान बदल आणि जैवविविधतेच्या नुकसानाविरुद्धचा लढा, ऊर्जा आणि डिजिटल संक्रमण, कनेक्टिव्हिटी, सुरक्षा आणि संरक्षण, इंडो-पॅसिफिकमधील सहकार्य हे मुद्दे चर्चेच्या केंद्रस्थानी आहेत.
विद्यार्थ्यांशीही त्या संवाद साधाणार - यामध्ये होणाऱ्या चर्चेत भारताचा व्यापक आर्थिक अजेंडा, मुक्त व्यापार करारावर लक्ष केंद्रित करून, गुंतवणूक संरक्षण करार आणि भौगोलिक संकेत करार देखील अजेंडावर असतील. तसेच, रशिया-युक्रेन संघर्षही चर्चेचा मुख्य भाग असणार आहे. यामध्ये (The Energy and Resources Institute) ऊर्जा आणि संसाधन संस्थेलाही भेट देणार आहेत. येथे विद्यार्थ्यांशीही त्या संवाद साधाणार आहेत.
उद्घाटन सत्राला संबोधित करणार - अध्यक्ष वॉन डेर लेयन हे देखील आंतरराष्ट्रीय सौर आघाडी (ISA) येथे भाषण देतील आणि ऊर्जा क्षेत्रातील पुरवठा साखळींच्या सुरक्षिततेबद्दल भारतीय आणि EU कंपन्यांशी चर्चा करतील. युरोपियन कमिशनच्या अध्यक्षांना रायसीना डायलॉगच्या यावर्षीच्या आवृत्तीसाठी प्रमुख पाहुणे म्हणून आमंत्रित करण्यात आले आहे. त्या ते 25 एप्रिल रोजी उद्घाटन सत्राला संबोधित करणार आहेत.
हेही वाचा -Pawar's Attack on BJP : वेळ आल्यावर योग्य पद्धतीने समाचार घेऊ, शरद पवारांचा भाजपवर हल्लाबोल
