चेन्नई/नवी दिल्ली :Vikram S Launched: देशात पहिल्यांदाच एका खासगी अंतराळ कंपनीने बनवलेले रॉकेट विक्रम-एसचे यशस्वी प्रक्षेपण करण्यात COUNTRYS FIRST PRIVATE ROCKET VIKRAM S आले. याने भारतीय अंतराळ कार्यक्रमाला एका वेगळ्या उंचीवर नेले आहे. श्रीहरिकोटा येथील सतीश धवन अंतराळ केंद्रातून अवकाशाच्या जगात आज एक नवा इतिहास लिहिला गेला. हैदराबादच्या खाजगी अंतराळ कंपनी स्कायरूट एरोस्पेसच्या विक्रम-एस रॉकेटने उड्डाण केले. रॉकेट आवाजाच्या पाचपट वेगाने अंतराळात गेले. VIKRAM S LAUNCHED FROM SRIHARIKOTA ANDHRA PRADESH
केंद्र सरकारने 2020 मध्ये अंतराळ उद्योग खाजगी क्षेत्रासाठी खुला केल्यानंतर स्कायरूट एरोस्पेस ही भारतीय अंतराळ कार्यक्रमात पाऊल टाकणारी भारतातील पहिली खाजगी क्षेत्रातील कंपनी बनली आहे. यापूर्वी १५ नोव्हेंबरला हे रॉकेट प्रक्षेपित करण्याची योजना होती. सतीश धवन अंतराळ केंद्रातून प्रक्षेपित झाल्यानंतर विक्रम-एस हे रॉकेट अंतराळात 81 किमी उंचीवर पोहोचेल. भारतीय अंतराळ कार्यक्रमाचे जनक आणि दिवंगत शास्त्रज्ञ विक्रम साराभाई यांच्या नावावरून या रॉकेटचे नाव ठेवण्यात आले आहे.
'प्ररंभ' नावाच्या मिशनमध्ये दोन देशी आणि एक विदेशी ग्राहक असे तीन पेलोड असतील. विक्रम-एस सब-ऑर्बिटल फ्लाइटमध्ये चेन्नईच्या स्टार्टअप स्पेस किड्झ, आंध्र प्रदेशातील स्टार्टअप एन-स्पेस टेक आणि आर्मेनियन स्टार्टअप BazumQ स्पेस रिसर्च लॅबचे तीन पेलोड असतील. स्कायरूटच्या अधिकाऱ्याने सांगितले की, सहा-मीटर-उंच रॉकेट रोटेशनल स्थिरतेसाठी 3-डी प्रिंटेड सॉलिड प्रोपेलेंट्स असलेले जगातील पहिले रॉकेट आहे. भारतीय अंतराळ नियामक इन-स्पेसने बुधवारी स्कायरूटच्या विक्रम-एस सब-ऑर्बिटल वाहनाच्या प्रक्षेपणास अधिकृत केले.