भर पत्रकार परिषदेत 'त्या' खासदारानं पोलिसाच्या बुटाचं घेतलं चुंबन

आंध्र प्रदेशातील एका खासदाराने पोलीसाच्या बुटाचं चुंबन घेतल्याचा व्हिडिओ समोर आला आहे.

अमरावती - आंध्र प्रदेशातील एका खासदाराने पोलिसाच्या बुटाचं चुंबन घेतल्याचा व्हिडिओ समोर आला आहे. तेलगू देसम पक्षाच्या एका माजी खासदाराने पोलिसांबद्दल केलेल्या आक्षेपार्ह वक्तव्याचा निषेध करण्यासाठी वायएसआर काँग्रेसच्या खासदाराने हे कृत्य केल्याचे समोर आले आहे.

पोलिसाच्या बुटाचे चुंबन घेणाऱ्या खासदाराचे नाव गोरांतला माधव असे आहे. ते वायएसआर काँग्रेस पक्षाचे खासदार आहेत. टीडीपी पक्ष सत्तेत आल्यावर पोलिसांना माझे बूट चाटालयला लावेल, असे वादग्रस्त वक्तव्य दिवाकर रेड्डी या तेलगू देसम पक्षाच्या माजी खासदाराने केले. या वक्तव्याचा निषेध करण्यासाठी गोरांटला यांनी हे कृत्य केले आहे. ही घटना राज्यातील अनंतपूर जिल्ह्यामध्ये घडली.या प्रकरणी राज्यातील पोलीस संघटनेनेही दिवाकर रेड्डी यांनी माफी मागावी, अशी मागणी केली आहे.