अहमदाबाद- आदिवासी मुलीसोबत प्रेमप्रकरण केल्यामुळे जमावाने १७ वर्षीय मुस्लीम युवकाला रॉड आणि पाईपने जोरदार मारहाण केली. या मारहाणीत युवकाचा खून झाल्याची घटना भरुच, गुजरात येथे घडली. फैज मोहम्मद सुलतान अब्दुल कुरेशी, असे मृत्यू झालेल्या मुलाचे नाव आहे.
फैजच्या वडील म्हणाले, माझा मुलगा ५ मित्रांसोबत अंकलेश्वरला गेला होता. माझ्या पत्नीने फोन केल्यानंतर फैजने बोरीद्रा येथे येण्यास सांगितले. आम्ही बोरीद्राला पोहोचल्यानंचर फैजला काही लोकांनी मिळून मारहाण केली होती. फैजची प्रकृती अत्यंत खराब होती. आम्ही फैजला रुग्णालयात दाखल केले. फैजच्या बरगड्या आणि यकृताला मोठ्या प्रमाणात इजा झाल्या होत्या. चांगल्या उपचारासाठी फैजला सुरतला नेले. परंतु, त्याचा मृत्यू झाला. मला माहित नाही फैजला मारहाण करताना किती लोक होते. मी सरकारकडे फैजला न्याय मिळवून देण्याची विनंती करतो.