चामराजनगर - कर्नाटक राज्यातील बांदीपूर-ओटी मार्गाने मोटारसायकल जात असताना वाघाने चक्क त्याचा काही दूर अंतरापर्यंत पाठलाग केला. रविवारी घडलेल्या या धक्कादायक घटनेचा व्हिडिओ सध्या सोशल मीडियावर चांगलाच फिरत आहे.
बांदीपूर - ओटी जवळील चामराजनगर येथून एका मोटारसायकलवर दोघे जण प्रवास करत होते. चामराजनगर हा जंगलाने व्यापलेला भाग आहे. रस्ताने जात असताना त्यांचा चक्क वाघाने काही अंतरापर्यंत पाठलाग केला.आणि त्यांच्यावर हल्ला करण्याचा प्रयत्न केला. हे धक्कादायक दृश्य त्यांनी कॅमेरामध्ये कैद केले आहे. मोटरसायकलचा पाठलाग करताना वाघ डरकाळी फोडताना दिसत आहे. सुदैवाने वाघाच्या तावडीत मोटारसायकलस्वार सापडले नाहीत.