कोविड-19 च्या आव्हानादरम्यान केरळमध्ये ६ हजार ऑनलाईन शैक्षणिक वर्ग आयोजित

कोविड - 19 महामारीच्या सर्व प्रकारच्या आव्हानांच्या पार्श्वभूमीवर केरळने आपल्या शिरपेचात आणखी एक तुरा रोवला आहे. केरळमध्ये सहा हजार ऑनलाईन वर्ग घेण्यात आले, ज्यात पूर्व-प्राथमिक ते इयत्ता 12 वी पर्यंतच्या विद्यार्थ्यांचे पाठ्यक्रम त्यांना शिकवण्यात आले. याचा तब्बल 43 लाखाहून अधिक विद्यार्थ्यांनी लाभ घेतला.

तिरुअनंतपुरम - कोविड - 19 महामारीच्या सर्व प्रकारच्या आव्हानांच्या पार्श्वभूमीवर केरळने आपल्या शिरपेचात आणखी एक तुरा रोवला आहे. केरळमध्ये सहा हजार ऑनलाईन वर्ग घेण्यात आले, ज्यात पूर्व-प्राथमिक ते इयत्ता 12 वी पर्यंतच्या विद्यार्थ्यांचे पाठ्यक्रम त्यांना शिकवण्यात आले. याचा तब्बल 43 लाखाहून अधिक विद्यार्थ्यांनी लाभ घेतला.

'फर्स्ट बेल' हा डिजिटल वर्ग नियमित वर्गांसाठी अंतरिम व्यवस्था म्हणून 1 जून 2020 पासून सुरू झाला आणि सरकारी मालकीच्या केआयटीई व्हिक्टर्स (KITE VICTERS) (केरळ इन्फ्रास्ट्रक्चर अ‌ॅण्ड टेक्नोलॉजी फॉर एज्युकेशन) अंतर्गत शैक्षणिक वाहिनीमार्फत चालवण्यात आला, असे अधिकाऱ्यांनी सांगितले.

इयत्ता 10 वीच्या सर्व वर्गांचे प्रसारण 17 जानेवारीपर्यंत आणि 12 वीच्या वर्गांचे प्रसारण शनिवारपर्यंत पूर्ण झाले.

आजपर्यंत, केआयटीईने 'फर्स्ट बेल प्रोग्रॅम'चा भाग म्हणून 6 हजार 200 क्लास व्हिडिओ विकसित केले आणि प्रसारित केले आहेत. यामध्ये 3 हजार 100 तासांपेक्षा जास्त काळ शैक्षणिक विषय शिकवण्यात आले.

हेही वाचा -हिमोत्सवात कलाकारांची अनोखी कलाकृती, लोक आश्चर्यचकित

प्रत्येक विषयाचे केंद्रबिंदू सामान्य शिक्षण विभागाने प्रकाशित केले होते. त्या आधारे, 31 जानेवारीपासून उजळणी वर्ग आयोजित केले जात आहेत.

'सुरुवातीला आम्ही फक्त दोन महिन्यांच्या कालावधीसाठी फर्स्ट बेल कार्यक्रमाची योजना आखली. पण कोविड -19 च्या परिस्थितीमुळे संपूर्ण शैक्षणिक वर्षात याच प्रकारे शिकवण्याची गरज निर्माण केली,' असे केआयटीईचे मुख्य कार्यकारी अधिकारी के. अन्वर सदत म्हणाले.

'विशेषत: विविध विषय पाहता सर्व इयत्तांसाठी डिजिटल वर्ग विकसित करणे, हे खरोखर एक कठीण कार्य होते. परंतु, आम्ही सर्व विद्यार्थ्यांसाठी समावेशक डिजिटल क्लास मॉडेल तयार करण्यात सक्षम ठरलो. यामुळे विद्यार्थी आणि शिक्षकांचे शैक्षणिक वर्षाचे नुकसान समाधानकारकरीत्या भरून काढता आले,' असे अनवर पुढे म्हणाले.

केरळने यापूर्वीच 17 मार्चपासून दहावी आणि १२ वीच्या विद्यार्थ्यांसाठी परीक्षा जाहीर केली आहे.

सर्व वर्गांचे व्हिडिओ फर्स्ट बेलच्या वेबसाइटवर उपलब्ध आहेत. (firstbell.kite.kerala.gov.in)

या व्यतिरिक्त, यातील विशिष्ट भाग पोर्टलवरती उपलब्ध करून दिले जातील. परीक्षेची तयारी करणाऱ्या विद्यार्थ्यांसाठी ही शैक्षणिक सामग्री सहजपणे उपलब्ध असेल.

व्हिक्टर्स (VICTERS) च्या यूट्यूब वाहिनीची ग्राहक संख्या 2.4 दशलक्षच्या पुढे गेली आहे. हे वर्ग भारत, मध्य पूर्व तसेच अमेरिका आणि युरोपियन प्रदेशातील शेकडो लोकांनीही पाहिले आहेत.

हे वर्ग वाहिनीद्वारे पूर्वपरिभाषित वेळापत्रकात प्रसारित केले जातात. ते फेसबुक पेजद्वारे थेट प्रसारित केले जातात आणि यूट्यूब चॅनेलवर अपलोड केले जातात.

हेही वाचा -चित्तूर मुलींची हत्या प्रकरण : मुलीला मारल्यानंतर आईने तिची जीभ खाल्ली