सहारनपुरात कुत्र्यांची दहशत...३ महिन्याचा बाळाला नेले उचलून, बाळाचे डोके गायब

रात्री अंगणात झोपी गेलेल्या बाळाला कुत्र्यांनी उचलून नेले. कुत्र्यांनी बाळाला चावा घेताना डोके शरीरापासून वेगळे केले.

लखनौ - सहारनपूर येथील कोतवाली बेहट भागातील दयालपूर गावात ह्रदयदावक घटना घडली आहे. अंगणात झोपी गेलेल्या बाळाला कुत्र्यांनी उचलून नेताना बाळाचे डोके गायब केले आहे. या घटनेमुळे एकच खळबळ उडाली आहे.

दयालपूर येथे कुत्र्यांची दहशत आहे. या दहशतीचा शिकार ३ महिन्यांचे बाळ झाले आहे. रात्री अंगणात झोपी गेलेल्या बाळाला कुत्र्यांनी उचलून नेले. कुत्र्यांनी बाळाचे अनेक ठिकाणी चावा घेत त्याला ठार केले. कुत्र्यांनी बाळाचे डोकेही शरीरापासून वेगळे केले. घरच्यांनी शोध घेतला असता एका शेतामध्ये बाळाचा मृतदेह सापडला. या घटनेनंतर सर्वांचाच थरकाप उडाला. बाळाची ही अवस्था पाहुन आईला आक्रोश अनावर झाला होता.