फिरोजपूर -सीमा सुरक्षा दलाने (बीएसएफ) पंजाबात पाकच्या ड्रोन्सच्या हालचाली दिसून आल्याची माहिती दिली आहे. फिरोजपूरमधील हुसैनवाला सेक्टर येथे पाकची अनेक ड्रोन्स आढळून आली आहेत. ही ड्रोन्स भारतावर हल्ले करण्यासाठी आणि टेहळणीसाठी वारंवार सीमेपलीकडून पाठवली जात असल्याचे बीएसएफने सांगितले आहे.
सोमवारी रात्री उशिरा या परिसरात मोठ्या संख्येने ड्रोन्स नजरेस पडल्याचे सांगण्यात आले आहे. बीएसएफच्या सूत्रांनुसार, गस्त पथकांनी या ड्रोन्सवर गोळीबार केला. पाकिस्तानकडून ही ड्रोन्स पाठवली जात असल्याची खात्रीलायक माहिती मिळाली आहे.