औरंगाबाद -एमआयएमचे अध्यक्ष असदुद्दीन ओवैसी यांनी पुन्हा एकदा भारतीय जनता पक्षावर हल्लाबोल केला आहे. सध्याचा गोडसे गांधींचा भारत संपवत आहे, असे त्यांनी भाजपचे नाव घेता म्हटले. औरंगाबाद येथील एका प्रचार सभेमध्ये ते बोलत होते.
हेही वाचा -दिल्ली ते वैष्णवदेवी धावणार वंदे भारत एक्सप्रेस, अमित शहांनी दाखवला हिरवा झेंडा
राष्ट्रपिता महात्मा गांधी यांची हत्या करणारे आज देशभरात त्यांची 150 वी जयंती मोठ्या उत्साहात साजरी करीत आहेत. मॉब लिंचींगमध्ये झारखंड येथे तरबेज अन्सारीची हत्या करणारेही नथुराम गोडसे यांचे वंशज होते. गांधीजींची विचारधारा समजून घ्या. हिंदू-मुस्लिमांच्या एकतेसाठी त्यांनी शेवटच्या श्वासापर्यंत काम केले, जे गांधींना माननारे आहेत. त्यांनी आपल्या देशाला वाचवावे, असे ओवेसी म्हणाले.
हेही वाचा -नवरात्रीत काश्मीरवासीयांना मोदींची भेट, आता सोळाशे रुपयांत होणार वैष्णवदेवी यात्रा
ओवेसी यांनी बुधवारी विधानसभा निवडणुकीचा औरंगाबाद जिल्ह्यातून प्रचाराचा नारळ फोडला. पैठण येथील सभा संपल्यावर त्यांनी सायंकाळी आमखास मैदानावरील सभेला संबोधित केले. यावेळी व्यासपीठावर खासदार इम्तियाज जलील यांच्यासह विधानसभेचे उमेदवार अरुण बोर्डे, सिद्दिकी डॉक्टर गफार जावेद कुरेशी यांची प्रमुख उपस्थिती होती.