जौनपूर -उत्तर प्रदेशमधील जौनपूर जिल्ह्यातील सुजानगंज पोलीस ठाण्याच्या हद्दीत असलेल्या एका गावात शौचास गेलेल्या महिलेवर अॅसिड हल्ला झाल्याची धक्कादायक घटना घडली आहे. संबंधित महिलेवर जबरदस्ती करण्याचा प्रयत्न करणाऱ्या युवकाने तिच्या गुप्तांगावर अॅसिड हल्ला केला.
अॅसिड हल्ला होताच संबंधित महिलेने आरडाओरड केली. यानंतर परिसरातील लोक घटनास्थळी दाखल झाले. मात्र, तोवर आरोपी फरार झाला होता. येथे जमलेल्या नागरिकांनी पीडितेस रुग्णालयात दाखल केले आहे. घटनेची माहिती पोलिसांना मिळताच याप्रकरणी गुन्हा दाखल करण्यात आला असून आरोपीचा शोध सुरू करण्यात आहे.
जौनपूर : शौचास गेलेल्या महिलेच्या गुप्तांगावर अॅसिड हल्ला