उत्तर प्रदेश : एटीएसने दोन दहशतवाद्यांना घेतलं ताब्यात; सर्च ऑपरेशन सुरू

एटीएसने काकोरीतील रिंग रोडवरील एका घरात छापा टाकला दोन दशतवाद्यांना ताब्यात घेतले आहे. परिसरात संशयित दहशतवादी लपल्याची माहिती एटीएसला मिळाली होती.

लखनऊ - उत्तर प्रदेश एटीएसने काकोरीच्या दुबग्गा पोलीस स्टेशन परिसरातून 2 दहशतवाद्यांना अटक केली आहे. या दोन्ही दहशतवाद्यांचा अल कायदाशी संबंध असल्याचे सांगितले जात आहे. एटीएसने दुपारी 12.30 वाजता या भागात शोध मोहीम सुरू केली होती. काकोरीच्या रिंग रोडवरील घरातून दहशतवाद्यांना पकडण्यात आले आहे.

छापेमारी दरम्यान एटीएसने खबरदारी म्हणून घटनास्थळाजवळील घरे रिकामी केली होती. घटनास्थळी मोठ्या संख्येने पोलीस दल उपस्थित होते. एटीएसने घटनास्थळावरुन दोन प्रेशर कुकर बॉम्ब, अर्धनिर्मित टाईम बॉम्ब आणि 6-7 किलो स्फोटके जप्त केल्याचा दावा केला आहे.