अमरावती - आंध्र प्रदेशातील कुर्नुल जिल्ह्यात भीषण अपघात झाला असून यात १४ जणांचा मृत्यू तर अनेकजण जखमी झाले आहेत. मालवाहू ट्रक आणि मिनी बसमध्ये जोरदार धडक झाली. जिल्ह्यातील वेलधुरथी विभागातील माधापूरम गावात ही घटना घडली. मृतांमध्ये लहान बालकांचाही समावेश आहे. जखमींना रुग्णायात दाखल करण्यात आले आहे.
अजमेरला निघाले असताना अपघात -
टेम्पोमधील प्रवाशी चित्तूर जिल्ह्यातील मदनपल्ले गावातील होते. सर्वजण अजमेरला निघाल्याची माहिती मिळाली आहे. अपघातात चार जण गंभीर जखमी झाले असून त्यांना कुर्नुल येथील सरोजना रुग्णालयात दाखल करण्यात आले आहे. यास्मिन, अस्मा, कासिम आणि मुश्ताक अशी जखमींची नावे आहेत. पोलिसांनी अपघातग्रस्त वाहने क्रेनच्या सहाय्याने रस्त्याच्या बाजूला काढली आहेत.